Thursday, July 20, 2006

ராமன் ஜெர்மானியன்! ராவணன் ரஷ்யன்! -2

ராமன் ஜெர்மானியன்! ராவணன் ரஷ்யன்! -1

இதையே போய் கலைஞரிடம் போய் சொன்னா முரசொலியில் தம்பிக்கு கடிதம் எழுதி உனை எங்க பார்த்தாலும் தோலை உரிச்சி உப்புக் கண்டம் போடுங்க, திராவிட காக்கைக்கு உணவாகட்டும்ன்னு சொல்லுவார். ன்னு சொல்லிட்டே 3வது குலக் கொழுந்து என்ட்ரி குடுத்தது. ராமன் ஆரியன், ஹிட்லர் அவன் வம்சாவழி, அப்போ ராவணன் ஒரு யூதர்!!! மக்கா, நாம 3 பேரும் ஒரு பெரும் உண்மைய கண்டு பிடிச்சிருக்கோம். சாயங்காலம் எல்லோரும் பியர் அடிச்சு கொண்டாடிருவோம் ன்னு அவன் காரியத்துல குறியா இருந்தான்.

பின்னாடியே வந்த ஒரு கப்பி பய, என்னையும் சேர்த்துக்கங்க, நாம இன்னொரு உண்மையையும் கண்டுபுடிச்சிருக்கோமேன்னான். என்னடா உஷார் பண்ணின பியருக்கு பங்கு வந்துருச்சேன்னு 3வது குலக் கொழுந்து கொஞ்சம் யோசித்தது. என்ன சொல்லித் தொலைன்னு வேண்டா வெறுப்பா கேட்டான்.

கலைஞர் அவர் மகனுக்கு ஸ்டாலின்னு பேரு வைக்க காரணம் அவர் ஒரு ரஷ்யர். அவர் கொண்டாடும் ராவணன் ஒரு ஜெர்மனியர், இவங்களெல்லாம் சேர்ந்து எதிர்ப்பது 10 ஜன்பத் சாலையில் இருக்கும் இத்தாலி நாட்டு மக்களின் இந்திய அரசியல் பிரவேசத்தை. இது வரை நீங்கள் இதை ஒரு இந்திய பிரச்சினையாக பார்க்கிறீர்கள், ஆனால் இது ஒரு சர்வ தேச பிரச்சினை. ஐ நா சபை மட்டுமே இதை தலையிட்டு தீர்க்க முடியும். என கப்பி பயல் சொல்லி முடித்தான்.

குலக் கொழுந்து 1: 0 கண்டு பிடிச்சது இந்தியர்கள். ராவணனுக்கு (யூதர்) 10 தலை, தசரதனுக்கு(ஆரியர்+ஜெர்மானியர்) 10 ரதம்... அப்போ எல்லொரும் ஆரியர்கள்.

குலக் கொழுந்து 2: குரங்குக்கும்தான் 10 விரல் இருக்கு, அப்போ அதுவும் ஆரியர்களா?

கொடாக் கண்டன்: ஹரியானா காரங்கதான் உண்மையான் ஆரியர்கள் ஏன்னா hariyana வில ஹ வை எடுத்துப் பாருங்கள், ஆரியன்னு வரும்.

விடாக் கண்டன்: wait wait... அப்போ ஹரியானா காரங்க எல்லாம் குரங்குங்கறியா???

குலக் கொழுந்து 2: சமஸ்கிருதத்துல ஆர்யான்னா ஆசிரியர்ன்னு அர்த்தம். ஆகவே சாஃப்ட்வேர் ஆசாமிகள் எல்லாம் திராவிடர்கள்.

குலக் கொழுந்து 3: இல்லையே , இது சரி வரலையே... உன்னுடைய தியரி சாஃப்ட்வேர் ஆசாமிகள் எல்லாம் ஆரியர்கள் இல்லைன்னுதான் சொல்லுது. திராவிடர்கள் என்பதை ஒத்துக் கொள்ளவே முடியாது.

குலக் கொழுந்து 2: நான் சொல்ல வரதும் கிட்டத்தட்ட அதுதான்... எனக்கு சாஃப்ட்வேர் மக்கள் எல்லாம் குரங்குக இல்லைன்னு நிருபிக்கணும்... என் வீட்டு ஓனர் பொண்னை நாங்கெல்லாம் வரிசையா டாவடிக்கறதால அவர் சாஃப்ட்வேர் மக்கள் எல்லாம் குரங்குன்னு உறுதியா சொல்லிட்டு திரியறார்.

மேனேஜர்; நீங்க ஆரியனா? திராவிடனா? ஜெர்மானியனா? ரஷ்யனா? குரங்கன்னா என்னால சொல்ல முடியாது. ஆனா வெட்டிப்பசங்கன்னு உறுதியா சொல்ல முடியும்.... காலையிலிருந்து எவனும் ஒரு துரும்பையும் அசைக்காம, கேள்வி கேட்டவனே மறந்து போயிட்டான். 3 நாளா இதையே பேசிட்டு, போயி வேலையை பார்க்கறீங்களா, கண்ணுகளா???

ராமன் ஜெர்மானியன்! ராவணன் ரஷ்யன்!

இது 1999 வருடம் நடந்த உண்மை சம்பவம். சாஃப்ட்வேர் குஞ்சுகளை வெட்டித்தனத்தில் மிஞ்ச யாருமே இல்லை என்பதை நிருபித்த நாட்கள் அவை. நான் அந்த உரையாடலின் போது அந்த இடத்தில் இல்லாவிட்டாலும் இதுவரை இதற்க்கு யாரும் காப்பிரைட் கேட்காததால் இதை நான் வலையேற்றுகிறேன். இதில் வரும் கதாபாத்திரங்களை தற்போதைய வலை பதிவர்களுடன் நீங்கள் ஒப்பீடு செய்து அவரா இவர்? இவரா அவர்? என கேட்க வந்துவிடாதீர்கள்.

Who or what is Maithili, in context of Indian literature?

இதுதானப்பா கேள்வி... தெரிஞ்சா சொல்லணும் இல்லைன்னா தெரியலைன்னு நடையைக் கட்ட வேண்டியதுதானே. கேள்வி கேட்டவனுக்கு சொந்தமா சூனியம் வைச்சது தெரியவர 3 நாளு ஆச்சு. ஒரு 3 மணி நேரத்துக்கு ஒருத்தன் கிட்டையும் பதில் இல்லை. கேட்டவனும் சரி வேலையை பார்க்கலாம்ன்னு மூழ்கிட்டான். அப்போதுதான் அல்டா விஸ்டா, கூகுல் எல்லாம் வந்த நேரம். ஒரு அறிவுப்பசி அண்ணாசாமி எங்கேயே தேடி அலைந்து வந்து சொன்ன பதில் கீழே:

மைதிலி என்பது மத்திய பீகாரில் பேசப்படும் ஒரு மொழி. அதற்கென தனியே இலக்கியங்கள் உள்ளன. இது ஒரு பழமையான் மொழி. ஏறக்குறை ஹிந்தி மொழி போல இருக்கும்.

அற்புதம் , அருமைன்னு கேள்வி கேட்டவன் நிம்மதியா சாப்பிட்டு வந்து வேலைய பார்க்க ஆரம்பிச்சான். இன்னொரு கொடாக்கண்டன், அவன் தாத்தா பாட்டிக்கெல்லாம் ஃபோன் பண்ணி ஒரு முக்கியமான் தகவலை சொல்லறென்னு ஊரை கூட்டி கீழே இருக்கறதை சொன்னான்.

மைதிலி பிராமணர்கள் அவர்களின் உணவு வகைகளுக்கு பெயர் போனவர்கள்! ராமாயணத்தில் கூட சீதையின் அப்பா ஜனகன் மிதிலையை ஆண்டதாக வருகிறது. அந்த பகுதியில் பேசப்பட்ட மொழிதான் மைதிலி.

அவன் பங்குக்கு உளறிவிட்டு கணிணியில் தலையை புதைத்துக் கொண்டான்.

அதே இடத்தில் ஒரு விடாக் கொண்டன் இதையெல்லாம் கவனித்து விட்டு கொடாக் கண்டனை வாரிவிட இதுதான் நல்ல சந்தர்ப்பம்ன்னு அவன் பங்குக்கு போட்டுத் தாக்கியது கீழே:

நேத்து (1999 ல்)கூட ஒரு காங்கிரஸ் மூத்த தலைவர் அந்நியர் பிரதமராகும் பிரச்சினையில், சீதா பிராட்டி கூட அந்நியர்தான் ஏனெனில், அவர் பிறந்த ஜனகபுரி நேபாளத்தில் இருக்கிறதுன்னு சொல்லியிருக்கிறார், நீ பீகாரை ஜனகர் ஆண்டார்ன்னு சொல்லற, என்ன எங்களுக்கு மண்டையில மசாலா இல்லைன்னு நினைச்சிட்டியா? ன்னு தாளிச்சிட்டான்.

ஆபீஸுக்கு ரொம்ப லேட்டா வந்த குலக் கொழுந்து 1 சோனியா விவகாரத்தைத்தான் காலையில் இருந்து பேசி கொள்வதாக நினைத்துக் கொண்டு அப்படியே இன்னொரு குலக் கொழுந்துவிடம் போய்

இவனுக மசாலா இல்லாத பசங்க, சிவ பெருமான் இருக்கறதா சொல்லற கையிலாயம் சீனாவுல இருக்கு, புத்தர் பிறந்த லும்பினி நேபாளத்துல இருக்கு, குரு நானாக் பொறந்த தல்வாண்டி பாகிஸ்தான்ல இருக்கு, பேச வந்துட்டானுக என முனகினான்.

சின்ன வயதில் காளி கோவிலில் தேங்காய் உடைக்கும் போது கரணம் போட்டும் தேங்காய் பொறுக்க முடியாத ஆத்திரத்தில் நாத்திகனாக மாறிய குலக் கொழுந்து 2 குலக் கொழுந்து 1 வின் வாதத்தில் ஒத்துப் போனாலும் கடவுளை பற்றி பேசியதால்

அட, அதையெல்லாம் என்கிட்ட சொல்லாத. அத்வானி பாகிஸ்தான்ல பொறந்தாரு, அமர்த்யா சென் வங்காள தேசத்தில் பொறந்தாரு ந்னு சொல்லு ஒத்துக்கிறேன்.

இப்படி குலக் கொழுந்து 1 அடிக்கடி சாமி பற்றி பேசுவதால் இவன் வாயை அடக்க இதுதான் நல்ல சமயம் என எண்ணி

நீ ராமனை கும்பிடரயே அவரு ஆரியர், ஹிட்லரும் ஆரியர்ன்னு சொல்லிக்கிட்டார், அப்போ ஹிட்லர் ராமர் வம்சம். ஹிட்லர் பண்ண கொடுமையை யாரும் இன்னும் மறக்கலை, புரிஞ்சுக்கோ தம்பி!
ராவ ணனை கொன்னுட்டு புஷ்பக விமானத்திலேறி அயோத்தி வந்த ராமர் அதை நேரா ஃபிராங்பர்ட்டுக்கு ஓட்டிட்டு போயிட்டாரு. அதுதான் இப்போதைய லூப்தான்ஸா...

பேயறந்தால் கூட கண்ணாமுழி பிதுங்காது குலக் கொழுந்து 1க்கு. ஆனால் இப்போது லேசாக கண்ணாமுழி பிதுங்க ஆரம்பித்திருந்தது.

இதை நீ நம்ப மாட்டேன்னு எனக்குத் தெரியும், புஷ்பக விமானத்தை ஓட்டியது அன்னப் பறவையின் வம்சம், லூப்தான்ஸாவின் சிம்பல் அன்னப் பறவை, இப்போ புரியுதா???

குலக் கொழுந்து 2 ரொம்ப குதிக்கிறான், அவன் வழியிலே போயி அவன் வாயிக்கு பிளாஸ்திரி போடல என் பேரு படையப்பா இல்லைன்னுட்டு

ராவணன் தான் ஜெர்மனிக்காரன். ஏன்னா புஷ்பக விமானத்துக்கு அவந்தான் ஓனர். புஷ்பக விமானத்துல ஒரு தடவை போனதால ராமன் ஜெர்மனிக்காரன் ஆக முடியாதுன்னு

வாதம் பண்ணினான்.

--தொடரும்.

Tuesday, July 18, 2006

காக்கைக்கும் தன் குஞ்சு பொன் குஞ்சு

அமெரிக்க பயணம் முடிவானவுடனே இந்த முறை ரொம்ப நல்லா பிளான் பண்ணி போகணும்ன்னு முடிவு பண்ணி சில காரியங்கள் செய்தேன். குறைந்த நேரம் மட்டும் ஏர்போர்ட்டில் செலவு செய்வது மாதிரியான பயண திட்டம் அமைத்துக் கொடுத்தார்கள். பெங்களூர் டூ டெல்லி கிங்ஃபிஷர் ஏர்லைன்ஸில் என்றதும் என்னையும் அறியாமல் கிங்ஃபிஷர் காலேண்டரும் F TV யும் ஞாபகத்திற்க்கு வந்தது.

கிங்ஃபிஷர் ஏர்லைன்ஸில் 3+3 சீட். அதில் எனக்கு எயில் சீட், பக்கத்தில் ஒரு மத்திம வயது பெண் மற்றும் ஒரு பாட்டி, இந்த பக்கம் ஒரு ஹை ஃபை இளைஞன், அவனுக்கு பக்கத்தில் இரு பாட்டிகள். என் பெயர் என்னன்னு பக்கத்தில் இருந்த மத்திம வயது பெண் ஆரம்பிக்க நான் என் வாழ்க்கை வரலாற்றை சொன்னேன். அந்த மத்திம வயது பெண் உடனே என் பெயர் சவிதா, H இல்லைன்னு சொன்னாள். தென்னிந்தியர்கள் எல்லா இடதிலும் H போடுவீங்க, ஹிந்தியிலதான் சரியாக எதையும் சொல்வார்கள் என துதி பாடினாள். ஓ, அப்படியா, J I T K A என ஒவ்வொரு எழுத்தாக சொல்லி என்னுடன் வேலை செய்யும் செக்கோஸ்லோவியா பெண்ணின் பெயர், இதை எப்படி ஹிந்தியில் கூப்பிடுவீர்கள் என கேட்டேன். யோசிக்காமல் ஜிட்கா என்றாள். செக் மொழியில் அது இட்கா, ஜிட்கா இல்லை. அவரவர் மொழியில் எப்படி உச்சரிக்க வேணுமோ அப்படி சொல்லிக் கொடுங்கள், நாங்கள் சொல்லுவோமே, அதை விட்டுவிட்டு வெட்டி தனமாக பதில் சொல்லக் கூடாதுன்னு கொஞ்சம் காட்டமாக சொன்னேன்.

அதன் பிறகு என் தொழில் விவரங்கள் கேட்டறிந்தாள். அந்த பெண் ஒரு டீச்சர் என்பதால் இப்போதைய குழந்தைகள் படும் அவஸ்தைகள் மற்றும் எங்கள் காலத்தில் நாங்கள் இருந்தற்க்கும் அவர்களின் இப்பொதைய பண்புகளை சிறிது நேர்ம் அலசி ஆராய்ந்தோம். எனக்கு திடீரென மூக்கு அடைத்த மாதிரி இருந்ததால் கிங்ஃபிஷர் அழகி (ஏர் ஹோஸ்டஸ் என்பது அவர்களை அவமானப்படுத்தும் என நினைக்கிறேன்)யிடம் சொன்ன மாத்திரத்தில் கேண்டி, தண்ணீர் பாட்டில், மாத்திரை என நன்கு கவனித்தாள்.
இதையெல்லாம் கவனித்த ஹை ஃபை இளைஞன், அவனாக வந்து பெங்களூர் ஒரு வெட்டியான ஊரு, இவ்வளவு வரி குடுத்தும் டிராபிக் ஜாம், குறுகலான ரோடுகள், ரோட் சென்ஸ் இல்லாத மக்கள் என திட்டி தள்ளினான். இந்த இடத்தில் நானும் கொஞ்சம் ஒத்துப் போனதால் ஆமாம் போட்டு வைத்தேன். டெல்லிதான் சிறந்த ஊர், இங்க இல்லாததே இல்லை, டிராபிக் சுத்தமாகவே இல்லை என சொன்னான். அப்புறம் ரஜினி பற்றி பேச்சு வந்தது. அவன் பாட்டுக்கு சகட்டு மேனிக்கு சந்திர முகி படத்தின் முதல் சணடையை கலாய்த்துக் கொண்டிருந்தான். கிருஷ் பார்த்துட்டையான்னு கேட்டேன். பார்த்தேன், நல்ல படம்ன்னு சொன்னான். நான் சிரித்துக் கொண்டு விமானத்தை விட்டு இறங்கி லக்கேஜ் எடுக்க அவனுடன் ஒன்றாக நின்று கொண்டிருந்தேன். அப்பொழுதும் அவன் ரஜினி பற்றியே ஒயாமல் பேசிக் கிண்டல் அடித்துக் கொண்டிருந்தான்.

ஒரு வெள்ளை நிற கதர் சட்டை, ஜீன்ஸ் பேண்ட் , தோளில் ஒரு ஜோல்னா பை வேகமாக மின்னல் மாதிரி வந்து கொண்டிருந்தது. திரையிலேயே பார்த்து பழகிய முகத்தை அவ்வளவு நெருக்கத்தில் பார்த்த போது கொஞ்சம் தடுமாறித்தான் போனேன். சரியாக அவர் என்னை கடக்கும் போது, சட்டென்று என் குரல் எனையும் அறியாமல் வெளி வந்தது. சிவாஜி சூட்டிங் முடிஞ்சுதா சார்? நாங்கெல்லாம் ரொம்ப ஆர்வமாக இருக்கோம் என்றேன். சட்டென என்னிடம் கையை நீட்டி குலுக்கிக் கொண்டே நல்லா வந்துட்டு இருக்குங்க அப்படின்னு சொன்னார். வரேன் என என் பதிலுக்கு காத்திராமல் மின்னல் மாதிரி வெளியேறினார். அடடா, கேமரா கையிலேயெ இருக்கு, பேனா இருக்கு ஒன்னும் தோணவே இல்லைன்னு என் நெற்றியில் தட்டிக் கொண்டிருந்தேன். அது ரஜினியா,இவ்வளவு சிம்பிளா இருக்காரு? என அந்த டெல்லிக்காரன் அசந்து போய் கேட்டான். ஆமாம், ரஜினி கிட்ட அப்படி என்ன இருக்குன்னு கேட்டியே, எவ்வளவு உயர்த்தில இருந்தாலும் அவரு யாருன்னு அவருக்கு தெரிஞ்சிருக்கு, ஆனா நமக்குத்தான் மத்தவங்க பண்ணுவது தப்பாகவே தெரிகிறது என்றேன்.

ஒரு மணி நேரத்துக்கு ஒரு முறைதான் இண்டர்நேஷனல் ஏர்போர்ட் -ஷட்டில் என்பதால் எங்களை அமெரிக்கன் ஏர்லைன்ஸ் நிறுவனத்தின் பிரதிநிதி வேறு ஒரு கார் மூலம் அழைத்துச் சென்றார். டெல்லி ரோடெல்லாம் ரொம்ப அகலமாகத்தான் இருந்தது, ஆனால் 5 கிலோ மீட்ட்ர் செல்ல 45 நிமிடம் பிடித்தது. ஏர்போர்ட்டில் இறங்கும் போது ஏனோ காக்கைக்கும் தன் குஞ்சு பொன் குஞ்சு என்பது ஞாபகத்துக்கு வந்தது.

Tuesday, July 04, 2006

கரம், சிரம் உள்ளே நீட்டாதீர்!!!

கரம், சிரம் புறம் நீட்டாதீர்ன்னு எல்லா அரசு பேருந்துகளிலும் எழுதியிருப்பதை பார்த்திருப்பீர்கள். அது ரொம்ப தப்பான கருத்து என்பதை நிருபிக்கும் நிகழ்ச்சி இன்னைக்கு காலைல நடந்தது.

பெங்களூரில் ஒசூர் ரோடு டிராபிக் பத்தி நான் தனியா சொல்ல வேண்டியதில்லை. வேண்டிய மட்டும் கேட்டிருப்பீர்கள் இல்லைன்னா அனுபவத்திருப்பீர்கள். என்னோட கைக்கணிணியில் புதுப்பேட்டையிலிருந்து "ஒரு நாளில்" பாட்டை செலக்ட் செய்துவிட்டு அப்படியே ஜன்னலில் சாய்ந்து கண்ணை மூடலாம் என நினைத்தால் அருகில் வந்து கொண்டிருந்த ஹுண்டாய் சான்ட்ரோவில் ரெண்டு கைகள் ஒரே சமயத்தில் கியர் ராடின் மேல் இருந்தது.

இது என்னடா வித்தியாசமான விளையாட்டே இருக்கே யாருன்னு பார்த்தா ரெண்டு IT ப்ரொபசனல்ஸ் (வேற யாரு இந்த கூத்தெல்லாம் பட்ட பகலில் பண்ணுவாங்க). நகராத வண்டிக்கே சும்மா மாத்தி மாத்தி கியர் போட்டுட்டு இருந்தாங்க. அப்புறம் ரொம்ப போர் அடிக்க ஆரம்பிச்சு முகத்தை முகத்தை பார்த்துட்டே இருந்தாங்க ஆனா வாயை மட்டும் தொரக்கவே இல்லை. அப்படி இப்படின்னு 5 நிமிஷம் போச்சு. முன்னாடி இருந்த குப்பை லாரி எல்லா புகையையும் நேரா சான்ட்ரோ மேலே மொத்தமாக வாரி இறைத்துவிட்டு (குப்பை லாரி வாழ்க!!!) மெதுவாக 20 அடி நகர்ந்தது. சான்ட்ரோ அப்படியே ஸ்டெடியா நின்ன இடத்திலேயே நிக்க என் பஸ்ஸும் நகர ஆரம்பித்தது. சரி காலைக் காட்சி முடிந்ததன்னு பாட்டை கேக்கலாம்ன்னு போன டமார்ன்னு ஒரு சவுண்ட். சான்ட்ரோ பார்ட்டிகள் ரோட்டில் அவர்கள் மட்டும் இருப்பதாக நினைத்துக் கொண்டு சும்மா நச்சுன்னு சான்ட்ரோவின் முன்பக்கதை குப்பை லாரியில் பார்க்கிங் செய்திருந்தார்கள்.

அப்பாடா, இனி நிம்மதியாக பாட்டுக் கேக்கலாம்ன்னு தலையை சாய்ச்சா எல்லோரும் பஸ்ஸை விட்டு இறங்கிய பிறகுதான் கண்ணை முழித்தேன்.

கரம், சிரம் உள்ளேயும் நீட்டாதீர்!!!!

Monday, July 03, 2006

இன்னா ஆறு

இன்னாருகிட்ட இன்னதுதான் பேச வேண்டும், இன்னாருகிட்ட இப்படித்தான் நடந்துக்கணும்னு வீட்டு பெருசுகள் சொல்லி சின்ன வயசுலிருந்தே நீங்கள் மனதில் உருப்போட்டிருந்தாலும் அவர்கள் செய்யாத விஷயங்களை நீங்கள் செய்து இன்னலில் மாட்டிக் கொள்வது மிக சகஜமான ஒன்றாக மாறி விட்டது. எனது கேள்வி ஞானத்தில் தலையான இன்னா ஆறை இங்கே கிறுக்கி உள்ளேன்.

1. பல ஃபிகர்களுக்கு ஒரே சமயத்தில் ரூட் போடாதீர்.

எதிர் வினை: பின்னாடி உதவும் என பழகும் பெண்களிடம் எல்லாம் நீதான் என் BF (அதாங்க, Best Friend) என சொல்லுவீர்கள். பெண்கள் இதை முதலில் பெரிதாக எடுத்துக்கொள்ள மாட்டார்கள். அப்புறம், நீங்கள் அப்படி இப்படி போடும் பிட்டில் உருகி அடுத்த ஸ்டேஜ் போகும் போதுதான் கலவரம் ஆரம்பமாகும். ஏன்டீ,அவன் ரொம்ப நல்லவன் இல்லை?. எத்தனை பொண்ணுங்க பழகுனாலும் என்னை மட்டும்தான் BF ந்னு சொன்னான் அப்படின்னு மெதுவாக சொல்ல அந்த ஜிகிடியும் என்னையும்தான் சொன்னான் சொல்லி விட்டு ரெண்டு பேரும் காளியாய் மாறி பின்னி பெடலெடுத்து விடுவார்கள். அப்புறம், மாலா, நீ எனக்கு BF, கீதா, நீ எனக்கு Forever Friend, சுமா, நீ எனக்கு Dearest Friend ன்னு சொல்லிட்டு வெட்டியா பிரயோசனம் இல்லாமல் காபி ஷாப்புக்கெல்லாம் கூட்டி போகணும்.

வினை: ஒன்னே ஒன்னுன்னு டார்கெட் வெச்சு அடிச்சீங்கன்னு வைச்சுக்குங்க, ஏற்கனவே செட் ஆகியிருந்தாலும் பையன் நல்லவன்னு மத்த ஃபிகருக்கு ரெகமெண்ட் செய்யும் வாய்ப்புகள் அதிகம். இல்லைன்னா, மாலா நீதான் இல்லைன்னு ஆகிடுச்சு உன் தங்கச்சின்னு இழுத்து அப்படியே போகிட்டே இருக்கலாம்.

2. பெண்ணை பிடித்து விட்டால் சுற்றி வளைத்து பேசாதீர்.

எதிர் வினை: எனக்கு OK, அவளுக்கு OK வா? என கேட்டு சொல்லறியா என அவள் ஃபிரெண்டிடம் கெஞ்சுவீர்கள். அந்த லொள்ளு ஃபிரெண்ட் என்னை கரெக்ட் பண்ணாமால் தூது போக சொல்கிறான் என மொத்தமாக கும்பலாக இருக்கும் போது கெக்கே பிக்கே என சிரித்துக் கொண்டே சொல்ல மற்றவர்கள் குலவையிடுவார்காள் பாருங்கள், அவ்வளவுதான். ஜென்ம ஜென்மத்துக்கும் ஹூஹூம்....

வினை: நல்ல ஒப்பன் டைப், பட்டுன்னு சொல்லிட்டான். அந்த தைரியத்துக்கெ OK சொல்லலாம் என முதலில் கோபப்பட்டாலும் மூணு மாதம் கழித்து மிஸ்ஸுடு கால் விடும் வாய்ப்புகள் அதிகம்.

3. தவறு செய்ய ஆயிரம் வாய்ப்புகள் கிடைக்கும், அதை சொந்த ஊரில் செய்யாதீர்.

எதிர் வினை: ஃபிரெண்டெல்லாம் கம்பெல் பண்ணினாங்கன்னு ரெகுலர் சரக்கு அடிக்காமல் கண்டதையும் மிக்ஸ் பண்ணி ஊத்திவிட்டு நைட்டு பதினோரு மனிக்கு மேல் வீட்டுக்கு போய் நடு வாசலில் உவ்வே என பொங்கல் வைத்தால் கொஞ்ச நஞ்ச மிச்சமிருக்கும் மரியாதையும், கோவிந்தா கோவிந்தா.....

வினை: பையன் சொக்க தங்கம், வீட்டை விட்டு அனாவசியமாக வெளிய சுத்த மாட்டான், மூணு வேளையும் வீட்டில்தான் சாப்பிடுவான் என அக்கம் பக்கத்து ஆன்டிகள் உங்களுக்காக போகும் கல்யாண வீட்டிலெல்லாம் பெண் பார்ப்பார்கள்.

4. பெரியவர்களிடம் எடக்கு மடக்காக பேசாதீர்.

எதிர் வினை: பெருசு ஒரு நல்ல ஃபிகரை மனதில் வைத்துக் கொண்டு உங்களிடம் சம்பளம் எவ்வளவு எனக் கேட்டால் ஏன், தெரிஞ்சு என்ன பண்ண போறீங்க, சுவிஸ் பேங்க் ஏதாவதுல வேலை செய்யறீங்களா என நக்கல் அடித்தால் கதை கந்தலோ கந்தல். யாரவது ஒரு பொண்ணு வீட்டில் இருந்து சம்பந்தம் வந்தால் இவர் சம்பந்தமே இல்லாமல் உங்க ஊரு காரை வீட்டுக்காரர் மருமகனின் வீட்டில் கடலை எடுப்பவரின் பேரன் நான் என போட்டுத்தாக்கி அவர் வகையில் அவர் சாந்தி தேடிக் கொள்வார். நீங்கள் அப்புறம் அட்டெணன்ஸ் ஆர்டரில் பெண் தேட வேண்டியதுதான்.

வினை: பெருந்துறையில் 12 செண்ட் நிலம் இருக்கு, வாங்கலாமா என கேட்கும் பெருசிடம் விவசாயா பூமியா கிரையம் பண்ணினா பத்திர செலவு கம்மி, 20 சென்ட்டா கேட்டு பார்க்கலாம் என போட்டுத் தாக்குங்கள். துரையன் பையன் அப்பனையே தூக்கி சாப்பிடுவான் போல, வரப்பாளையத்துக்காரங்க வம்சம்லன்னு ஊரெல்லாம் இலவச விளம்பரம் சூரியன் FMல் வருவது போல. அடுத்த அட்டாக் நீங்கள் பண்ணும் வரை தாங்கும். இந்த மாதிரி அப்பப்போ துணிக்கடை விளம்பர ஜிங்கில் மாதிரி மாத்தி மாத்தி போட்டுத்தாக்கினால் என்னைக்கும் நீங்கதான் ஹீரோ.

5. வேலை வேலை என அதை மட்டும் கட்டிக்கொண்டு(!) அழுகாதீர்கள்.

எதிர் வினை: மேனஜருடன் 7 மணிக்கு மீட்டிங், கிளயண்ட் விசிட் நான் கூடவே இருக்கணும், ஒரு வாரத்துக்கு பார்க்கவேணாமே பிளீஸ்... என்பது போன்ற வார்த்தைகள் தான் நீங்கள் அம்பேல் என்பதற்கான அறிகுறி.

வினை: எனக்கு பயங்கர வேலை, இருந்தாலும் வர்ர வழியில் இன்னைக்கு பெருமாள் கோவிலில் உனக்கு அர்ச்சனை பண்ணினேன் என துளசி குடுத்து பாருங்கள். பத்து வாரம் கழித்தும் அது எப்பவும் அவள் கூடவே சுத்தும் ஹேண்ட் பேக்கில் பத்திரமாக இருக்கும்.

6. காதல் போதையில் உளறாதீர்.

எதிர் வினை: செத்து போயிடனும் போல இருக்கு, உன் மடியில் இப்படி படுத்திருக்கும்போதே. இப்படி ஜூனூன் தமிழில் டயலாக். பர்த்டேக்கு ஒரு பெரிய பொக்கே ஆர்டர் பண்ணி நைட் 12 மணிக்கு அவள் வீட்டுக்கே கொண்டு போய் அன்பை பொழிந்தால் உங்களுக்கு 6அடி குழி அட்வான்ஸ் குடுத்து நீங்களே வெட்டிக் கொள்கிறீர்கள். அப்புறம் நீங்க முன்ன மாதிரி இல்லைன்னு உங்கள் வரலாறு அடிக்கடி புரட்டிப் பார்க்கப்படும்.

வினை: இம்பெரெஸ் பண்னனும் மண்டையை உடைத்து ஐடியாவெல்லாம் யோசிப்பதில்லை, ஆனா எனக்கு என்ன பிடிக்கும்ன்னு பார்த்து பார்த்து பண்ணும் அந்த ஒரு குணம் போதும் என யோசிப்பது மிக அதிக சதவீதம் பேர்!!!

அப்பா ராசா, கூப்பிட்டதால இன்னா நாற்பதை இன்னா ஆறாக்கி விட்டேன். இதில் டாக்ட்ரேட் வாங்கும் எண்ணம் எல்லாம் இல்லை என்பதால் இத்துடன் இதுக்கு டாட்டா...

MLM மார்க்கெட்டிங் மாதிரி ஆயிடுச்சு எல்லொரும் ஏற்கனவே விளையாண்டு முடிச்சிட்டாங்க. ஆறு பேரை பிடிக்க முடியவில்லை, யாராவது மிச்சம் மீதி இருந்தா சொல்லுங்க, கோர்த்து விடரேன்.

Sunday, July 02, 2006

சிவாஜி தந்த மறுவாழ்வு!!!

http://www.hindu.com/fr/2006/06/23/stories/2006062302590400.htm

இந்த லிங்க் படி சிவாஜி 90 கோடி ரூபாய்க்கு விற்கப்பட்டிருக்கிறது. திருப்பதி தந்த திருப்பத்தில் இருந்து AVM சரவணன் மீண்டும் சிரிப்பதற்க்கான வாய்ப்பு!!!

Wednesday, June 28, 2006

நானும்

Every dog has his day.
ராசா "ஆறு" மேட்டர்ல கோர்த்து விட்டதை பார்த்தட்டு சந்தோஷமா இருந்தப்போ இந்த படம் கண்ணுல மாட்டுச்சு...

Thursday, June 22, 2006

செய்வன திருந்த செய்

செய்வன திருந்த செய், இது பெரியவங்க நெறைய தடவை சொல்லி இருந்தாலும் பட்டாத்தான் புத்தி வருது. பீமா படத்தோட ஃபோட்டோ என் மெயில் பாக்ஸில் பார்த்தவுடனே திரிஷாவுக்கு என் ஜொள் தீபாராதனையை முடித்துவிட்டு யான் பெற்ற இன்பம் பெருக இவ்வையகம் ந்னு எனக்குன்னு இருக்குற கும்பலுக்கு பார்வார்ட் செய்தேன்.

எனக்கு எப்பவுமே ஒரு பழக்கம் உண்டு. இந்த மாதிரி மெயில் பண்ணும் போது BCC போட்டுத்தான் அனுப்புவேன், அதே சமயம் எங்கிருந்து எனக்கு வந்தது என்பதையும் அழித்து விடுவேன். ஆனால் சுப்ஜெக்ட் லைனில் FW என்பதை வைத்திருப்பேன். இது அனைவருடைய பிரைவசிக்கும் பாதுகாப்பு என்பதால்தான்.

இன்னைக்கு இதை பண்ணும் பொழுது கடைசியா இருந்த "WITH LOVE, Rekha" அப்படிங்கறதை அழிக்க மறந்து அனுப்பிட்டேன். உடனே கிளம்பிட்டாங்கப்பா, யாரது யாரதுன்னு. பெங்களூரு BTM லே அவுட்ல கிளம்பர புழுதிய கூட அடக்கிறலாம், ஆனா இதை அடக்க முடியாதுடா சாமி...

பின்குறிப்பு: ரேகாவுக்கு கல்யாணம் ஆயிடுச்சாம்... ஒரிஜினல் சோர்ஸ் சொன்ன தகவல் இது...

Monday, June 19, 2006

எப்படி? எப்படி?

ரொம்ப நாளாச்சு பிளாக் பக்கம் ஒதுங்கி... எனக்குள்ள இருந்த நல்ல உதயின் குரலால் இந்த போஸ்ட்.

போன வாரம் நல்ல வெட்டித்தனமான மெயில் ஒன்னை மொத்தமா ஒரு கும்பலுக்கு அனுப்பினா அதுல ஒருத்தன் மெயில் பாக்ஸ்ல இருந்து கீழே இருக்கற மெசேஜ் வந்தது.

"I am on PTO and will be back on June 19."

நானும் மண்டையை உருட்டி பொரட்டி PTO ன்னா என்னன்னு ஒன்னும் கண்டு பிடிக்க முடியலை. ஒரு அறிவாளி கிட்ட கேட்டா நான் என்ன கேட்டேன் அப்படிங்கறது மறக்கர மாதிரி ஏதேதோ சொன்னான். நண்பன் ஒரு வாரம் லீவுங்கறதால ஆர்வத்தை அடக்க முடியாம அவுட்லுக்-ல ரிமைண்டர் செட் பண்ணி இன்னைக்கு மெயில் பண்ணி கேட்டா "டுபுக்கு, நீயெல்லாம் IT வேலை செய்யறியான்னு டவுட்டா இருக்கு...என்ன இது சின்ன புள்ள தனமால்ல இருக்கு…" அப்படின்னு சொல்லிட்டு PTO - Paid Time Off ன்னு சொன்னான்.

அப்புறம் acronym எதுக்கும் அர்த்தம் தெரியலைன்னா http://www.acronymfinder.com/ பார்துக்கன்னு கரிசனமா உதவியும் பண்ணினான். அங்க போயி பார்த்தா, எல்லாத்துக்கும் அர்த்தம் இருக்கு. விதம் விதமா வகை வகையா ஒரே acronym க்கு பல அர்த்தங்கள். (ஆமா, acronym க்கு தமிழ்ல என்ன?)

பின்குறிப்பு:- டேய், என்னைய வச்சு காமெடி எதுவும் பண்ணிடலையேன்னு வடிவேலு ஸ்டைல்ல கேட்டான் பாருங்க... 3 நாளு இத வச்சு அவனை காமெடி பண்ணி எங்களுக்கு வயிறெல்லாம் புண்ணான மேட்டர் சொன்னா முதுகில டின் கட்டிருவான்னு அப்படியே அடக்கி வாசிச்சுட்டேன்...

Thursday, June 01, 2006

திரும்பி பார்க்கிறேன்

இன்றோடு பிளாக் எழுத ஆரம்பித்து ஒரு வருடம் முடிந்து விட்டது. என் புருஷனும் கச்சேரிக்கு போனான் அப்படின்னு ஆரம்பிச்சது இது. அப்புறம் புலியை பார்த்து பூனை சூடு போட்டுக்குச்சோ அப்படிங்கற மாதிரி ஒரு ஆறு மாசத்துக்கு ஒரு பெரிய விஷயம் எதுவுமே நான் எழுதலை... இருந்தாலும் நான் நிறைய பேருக்கு நன்றி சொல்ல கடமைப் பட்டிருக்கிறேன்.

1. செந்தில். நான் பிளாக் ஆரம்பிப்பதற்க்கு காரணமே இவன் தான். இவன் தான் எனக்கு பிளாக் அறிமுகப்படுத்தியது.
2. சுவாமி. நிறைய பிளாக்குகளை அறிமுகப்படுத்தியது இவன் தான். அப்புறம் சில டெக்னிகல் டிப் எல்லாம் குடுத்து என் சைட்டை பார்க்கற மாதிரி மாத்தியதும் இவன் தான்.
3. கிருஷ்ணா. அங்க அங்க அடி வாங்கி நின்னா வந்து உதவி பண்ணி எழுத வைத்தவன்.
4. தமிழ்மணம். மொத்த குழுவுக்கும் நன்றி. என் பிளாக்கை நிறைய பேருக்கு கொண்டு போய் சேர்த்த பெருமை முழுவதும் தமிழ்மணத்துக்கே.
5. துளசி அக்கா. மறு மொழி மட்டுறுத்தலின் அவசியத்தை சொல்லி பின்னூட்டம் போட்டாலும் போட்டார் வருகை புரிகிறவர்களின் எண்ணிக்கையும் பின்னூட்டம் பதிபவர்களின் எண்ணிக்கையும் எகிறி விட்டது.
6. நண்பர்கள். பின்னூட்டம் இட்டு என்னை ஊக்கப்படுத்தியவர்கள் நிறைய பேர். நிறைய பேர் பின்னூட்டம் இடாவிட்டாலும் தொடர்ந்து படித்து எனக்கு தனிப்பட்ட முறையில் மின்னஞ்சல் செய்து என்னை ஊக்கப்படுத்தினார்கள்.

நிறைய படித்து தெரிந்து கொண்டேன். கற்றது கல்லளவு கல்லாதது உலகளவு என எனக்கு திரும்ப திரும்ப நினைவூட்டுகிற பலர் இங்கே எழுதிக் கொண்டுள்ளார்கள். ஆல மர நிழலில் வளரும் புல் நான்... தொடர்ந்து எழுதுவேன்.

Friday, May 26, 2006

இட ஒதுக்கீட்டு பிரச்சனை

அடுத்து என்ன எழுதலாம் என் உக்கார்ந்தால் ஜொள்ளு உதய், லொள்ளு உதய் மற்றும் நல்ல உதய் என 3 பேர் என் முன்னாள் உக்கார்ந்தார்கள்.

ஜொள்ளு உதய்: அடுத்தது சேலையை பற்றித்தான் எழுதணும். ஏன்னா நம்ம ஜொள்ளுப்பாண்டி தாவணி பத்தி எழுதி அங்க வரவேற்ப்பு பிச்சிக்கிச்சு...

நல்ல உதய்: டேய், ஏந்தான் இந்த மாதிரியே பேசிட்டு இருக்க... எப்படி உதவலாம் - பார்ட் 2 இன்னும் வரலை. ஏன்? எதற்கு? எப்படி? ந்னு நான் 20 30 கேள்வி ரெடி பண்ணி வச்சிருக்கேன்... அதை போடலாம்.

லொள்ளு உதய்: ஏப்பா, இப்படியே நீ காலத்துக்கும் படத்தைப் போட்டு என்ன சுகத்தை கண்ட? ஒரு ஃபிகரா, ஒரு ஓசி பியரா? ஒன்னுக்கும் பிரயோசனம் இல்லை...இப்படியே நீ காலத்துக்கும் படத்தை போட்டு செத்து போயிரு, நாங்க ஒரு போட்டோ வாங்கி பூ போட்டு தினமும் கும்பிடுக்கறோம்

நல்ல உதய்: இவன் எப்பவுமே சத்தியராஜ் மாதிரி பேசி எவங்கிட்டயாவது வாங்கி கட்ட போறான். அப்ப நாந்தான் கூட இருக்கணும் ஹாஸ்பிடலில். இங்க பாரு உதய், நீ ஜொள்ளு உதய் சொல்லரது போடற இல்லை லொள்ளு உதய் சொல்லரது போடற. என்னை நீ சுத்தமாக கண்டுக்கறது இல்லை.

லொள்ளு உதய்: எதுக்கு இப்பொ ஒப்பாரி வைக்கிற? நாஞ் சொல்லரதுதான் போடறது இல்லை, எப்பவுமே நம்ம ஜொள்ளுக்கு தான் முதல் மரியாதை. அட, கோயில்ல கூட யாருக்கும் முதல் மரியாதை எல்லாம் கிடையாதுன்னு கலைஞர் உத்தரவு போடுட்டாரு. ஆனா, இங்க மட்டும் நம்ம ஜொள்ளு ராஜ்ஜியம்தான். இட ஒதுக்கீட்டு பிரச்சினை வெளிய மட்டும் இல்லை இங்கேயும்தான். நான் எழுத சொன்ன கருவாச்சி காவியம் பாதியில நட்டுக்கிடு நிக்குது, தெரியும்ல?

நல்ல உதய்: அப்போ பேசாம மூணு பிளாக் ஆரம்பிச்சிரலாம். பிரச்சினை முடிந்ததுல்ல..

ஜொள்ளு உதய்: ரொம்ப சரி, ஆனா அவனுங்க பிளாக் அப்டேட் பண்ணறியோ இல்லையோ, தினமும் என் பிளாக்ல கலரே கண் கண்ட தெய்வம், வடக்கத்தி பிகரும் நானும், கொடுத்து வைத்த T- சர்ட் ந்னு எதாவது வந்துட்டே இருக்கணும், சரியா???

லொள்ளு உதய்: பாரேன், அவன் சரியான்னு சொல்லுரது கூட ஹேமா சின்ஹா தலை சாய்ச்சுட்டு சொல்லரது மாரியெ சொல்லரான். இவன் உருப்பட மாட்டான். இவன் பேச்ச கேட்டன்னு வச்சுக்க பழனி பஞ்சாமிர்தம், மதுரை மல்லி ன்னு விவகாரமா எழுத உட்டடுருவான்.
என் பிளாக் பேரு என்ன வேணா வச்சுக்கோ, ஆனா, போட்டோ மட்டும் போடக் கூடாது. சும்மா போறவன் வரவனையெல்லாம் மானாவாரியா திட்டுனம்ன்னு வச்சுக்க, பிளாக் ஹிட் பிச்சுக்கிட்டு போகும், அப்புறம் தானியங்கு மறுமொழி மட்டுருத்தல் வசதி யாரு குடுப்பான்னு தெரிச்சுக்கிட்டு ஓடனும்.

நல்ல உதய்: இவனை கூட வச்சுக்குட்டு பேசவே பயமா இருக்கு. எங்காவது இவனை தள்ளிட்டு போயிடுங்கடா...

லொள்ளு உதய்: இதுதான் இளிவரல்.

நல்ல உதய்: டேய், நல்லத்தானட இருந்த, என்னென்னமோ பேசற, உன்மையிலயே பேய் எதுவும் புடிச்சிருச்சா???

லொள்ளு உதய்: அட இதுக்கே பயந்துட்டா எப்படி? பின் நவீனம், முன் நவீனம் கட்டுடைத்தல், நான் லீனியர், ரியலிஸம், சர்ரியலிசம், அங்கதம் ந்னு எத்தனை இருக்கு...

நல்ல உதய்: அய்யோ...

லொள்ளு உதய்: பாத்து பாத்து... இப்பவே செத்து போயிராத, நான் போட்டொ வச்சு
கும்பிடுவேன்னு வெளயாட்டுக்குத்தான் சொன்னேன்.

ஜொள்ளு உதய்: எதோ யோசனையில் இருந்து வெளியே வந்தவனாய், பழனி பஞ்சாமிர்தம் டைட்டில் கூட நல்லாத்தான் இருக்கு. 2 வாரத்துக்கு முன்னாடி பழனி போனப்ப பஸ்ல வந்த...

லொள்ளு உதய்: ஆரம்பிச்சுட்டான்டா, ஏன்டா உனக்கு வேற நினைப்பே கிடையாதா, நாங்கல்லாம் இங்க உக்காந்து நவீன தமிழ்ன்னு பேசிட்டு இருக்கோம்...

ஜொள்ளு உதய்: சரி சரி சொல்லித் தொலை (திரும்ப யோசனையில் மூழ்குகிறான்)

லொள்ளு உதய்: சுந்தர ராமசாமி, சாரு நிவேதிதான்னு பெரிய தலைகளை பத்தியெல்லாம் பேசலாம். நாய், பூனை, ஆந்தைன்னு அவனுக எழுதுனை போட்டுட்டு இறுக்கிட்டு உக்கார்ந்துட்டோம்ன்னு வை போரவன் வரவன் எல்லாம் ஆஹா ஓஹோ ம்ம்பாங்க... எழவு நமக்குத்தான் என்ன எழுதனம்னே மறந்து போய்விடும்.

நல்ல உதய்: எனக்கு தெளிவா தெரிஞ்சு போச்சு... குரூப் ஹெல்த் இன்சுரன்சுல இவனெல்லாம் கவராகரானா இல்லையா??? இல்லை, காட்டுக்கு எரிக்க எடுத்துட்டு போற செலவாவது குடுப்பாங்கலா?

லொள்ளு உதய்: சாவது நானாலும் வாழ்வது தமிழாக இருக்கட்டும்

உதய்: டேய், எல்லாருக்கும் ரொம்ப நன்றி. நான் இனிமேல் கனவில் கூட பிளாக் பக்கம் ஒதுங்க மாட்டேன்.போயிட்டு வாங்க...

ஜொள்ளு உதய்: அட் லீஸ்ட், அந்த பழனி பஞ்சாமிர்தமாவது...

உதய்: சாவடிச்சிருவேன், மரியதையா இடத்தை காலி பண்ணுங்க.

Wednesday, May 24, 2006

இந்தாங்க மதுமிதா...

வலைப்பதிவர் பெயர்: உதயகுமார்
வலைப்பூ பெயர் : சவுண்டு பார்ட்டி

உர்ல் : / சுட்டி http://www.soundparty.blogspot.com

ஊர்: பட்டக்காரன் பாளையம், ஊர் கடத்தப்பட்டு இப்பொழுது பெங்களூர்

நாடு: இந்தியா

வலைப்பூ அறிமுகம் செய்தவர்: ஃபிளாக் அறிமுகப்படுத்தியது என் நண்பன் "ஸ்மார்ட்" செந்தில். யுனிகோட் பற்றி தெரிந்ததும் நானே தமிழில் பதிய ஆரம்பித்தேன்.

முதல் பதிவு ஆரம்பித்த நாள்,வருடம் : 01 ஜூன் மாதம் 2005

இது எத்தனையாவது பதிவு: இதோடு 38

இப்பதிவின் உர்ல் / சுட்டி : http://soundparty.blogspot.com/2006/05/blog-post_24.html

வலைப்பூ ஏன் ஆரம்பித்தீர்கள்: இது என்னோட அந்நியன் சைட். இவனை இங்கே மட்டுந்தான் பார்க்க முடியும்.

சந்தித்த அனுபவங்கள்: தினமும் 3 மணி நேரம் கோவிந்தா கோவிந்தா!!!

பெற்ற நண்பர்கள்: கணக்கு வைக்கவில்லை.
கற்றவை: ஏராளம்...

எழுத்தில் கிடைத்த சுதந்திரம்: என்னப்பா சுதந்திரம்... நாந்தான் எல்லா கருமாந்திரமும் எழுதரனே...

இனி செய்ய நினைப்பவை: புதுசா ஒன்னும் இல்லை... இப்போ செய்வதை ஒழுங்கா செய்யணும்.

உங்களைப் பற்றிய முழுமையான குறிப்பு: சொல்லிக் கொள்ளும்படி பெரிய ஆள் இல்லை. சொன்னா வீடு புகுந்து அடிப்பாங்க...

இன்னும் நீங்கள் சொல்ல நினைக்கும் ஒன்றைச் சேர்க்கலாம்: தமிழ்மணத்திற்கு நன்றிகள்

Monday, May 22, 2006

கலர் கனவுகள்

போன வாரம் ஊருக்கு போன பொழுது அம்மா என்னை பார்த்து கேட்டாங்க, ஏன்டா, உனக்கு ரசனையே கிடையாதா, 5 கருப்பு பேண்ட், 3 லைட் புளூ சர்ட். ஏன் உலகத்தில வேற கலரே கிடையாதா என சத்தம் போட்டாங்க. எனக்கு கருப்பே பிடிக்காம கருவாச்சி காவியம் எழுதறவரைக்கும் போய்ட்டேன், ஆனா இவங்க இப்படி திட்டறாங்களேன்னு நினைச்சுட்டு இருக்கறப்போ நாலு அஞ்சு புடவையை எடுத்துப் போட்டு இதெல்லாம் நேத்து எடுத்தேன்னாங்க... என்னைய திட்டினீங்க, இதெல்லாம் என்ன கலர்,பஞ்சு மிட்டாய், ஆரஞ்சு, தக்காளி, மாம்பழம்ன்னு பழக்கடையை வாங்கிட்டு வந்திருக்கிங்க என சிரித்து விட்டேன். உனக்கென்ன தெரியும், நாலு பக்கம் வெளிய போய்ட்டு வந்தாதானே தெரியும்... எப்பவும் யுனிஃபார்ம் மாதிரி டிரெஸ் பண்ணிட்டு ரசனையே செத்து போச்சு, எப்படி வளர்த்திருக்கா பாருன்னு என்னைய எல்லாம் திட்ட போராங்கன்னு ஒரே புலம்பல்.

அம்மா சொன்னதிலும் ஒரு நியாயம் இருப்பதாக பட்டது. இனிமேல் மத்தவங்க எப்படி ட்ரெஸ் பண்ணராங்கன்னு பார்க்கலாம்ன்னு முடிவு பண்ணினேன். அப்படியே சாகவாசமா டாவின்சி கோட் படத்துக்கு PVR ல டிக்கெட் புக் பண்ணிட்டு வரலாம்ன்னுட்டு போனா படம் இன்னும் ரீலிஸ் பண்ணவே இல்லைன்னுட்டாங்க... சரி வந்ததுதான் வந்தோம் வேற ஏதாவது படம் பார்க்கலாம்ன்னு லைன்ல நின்னேன். எனக்கு முன்னாடி தக்காளி கலர் சுடிதார் போட்டு ஒரு பொண்ணு.மணி ரத்னம் படத்தில் ஹீரோயின் பின்னாடி வெளிச்சம் போட்டு காட்டுவாங்கள்ள அந்த மாதிரி அந்த இடமே ரொம்ப வெளிச்சமா இருந்தது. சுடிதாரையே பார்த்துட்டு இருக்கலாம் போல சும்மா நச்சுன்னு இருந்தது. என் கண்ணு அங்க இங்க சுத்தி கடைசியில் சுடிதாரையே ஜொள்ளு ஒழுக பார்த்துட்டு இருந்தேன்.

அந்த பொண்ணு டிக்கெட் வாங்கிட்டு நகர்ந்ததும் அந்த பொண்ணு வாங்கின படத்துக்கே எனக்கும் டிக்கெட் கேட்டேன். சார், அவங்க நைட் 10 மணி ஷோவுக்குதான் வாங்கிருக்காங்க, உங்களுக்கு என இழுத்தார். எனக்கும்தான் என டிக்கெட் வாங்கிட்டு நடையை கட்டினேன்.

கீழே வந்தால் பஞ்சு மிட்டாய் சேலை ஒன்று லேண்ட் மார்க் கடையினில் நுழைந்தது. நானும் அப்படியே நுழைந்து பார்த்தால் அந்த சேலை தமிழ் புத்தகங்கள் அடுக்கி வைத்திருந்த பக்கத்தில் நின்று கொண்டிருந்தது. எனக்கு சும்மாவே தமிழ் புத்தகங்கள் படிக்க பிடிக்கும் இதுல இது வேறயா என அங்கு இருந்த 60 அறுசுவை உணவுகள், ஜாதகம் கணிப்பது எப்படி என பொது அறிவு புத்தகங்களை புரட்டி விட்டு அப்படியே கொஞ்சம் பஞ்சு மிட்டாயை பார்த்துக் கொண்டிருந்தேன். அது சதாரண சேலை கிடையாது. கொஞ்சம் வேலைப்பாடுகள் நிறைந்த சேலை. வடக்கும் தெற்க்கும் சேலையில் சங்கமம் என்று சொல்லும் போத்தீஸ் சேலை மாதிரி இருந்தது. பஞ்ச தந்திர கதைகள் புத்தகத்தை பார்த்ததும் அக்காள் மகள் ஞாபகம் வர அதை எடுத்துக் கொண்டு பஞ்சு மிட்டாய் கனவுடன் நகர்ந்தேன்.

வெளியே மாம்பழக் கலரில் T- சர்ட் போட்டுக்கொண்டு 4 பொண்ணுங்க ஃபேர் & லவ்லி வித்துட்டு இருந்தாங்க. T- சர்ட்டை அப்படியே கண்ணில் ஒற்றிக் கொள்ளலாம் போல இருந்தது. அதிலிருந்த வாசகங்கள் அப்படியே என்னை கறைத்து விட்டது. எதோ ஃபில் பண்ண சொன்னாங்க...100 ரூபாய் வாங்கிட்டு ஒரு டப்பாவை குடுத்துட்டு சார், இது 90 ரூபாய், 10 ரூபாய் சில்லரை இல்லையேன்னாங்க... நான் பரவாயில்லைன்னுட்டு மாம்பழக் கலரை கண்ணு நிறைய வைத்துக் கோன்டு வண்டியை கிளப்பும் போது எனக்கு நானே சொல்லிக் கொண்டேன் எனக்கும் ரசனை இருக்கு...

Thursday, May 11, 2006

ஏன்? எதற்கு?? எப்படி???

சுஜாதா ரேன்ஞ்சுக்கு நினைச்சுட்டு வந்து பார்த்தீங்கன்னா இதுல ஒன்னும் இல்லை. எனக்கு ஏற்பட்ட சின்ன சின்ன சந்தேகங்களுக்கு யாரவது விடை சொன்னா நல்லா இருக்கும்..

முதல் கேள்வி சினிமா உலகம் பற்றியது. சிங்குச்சா சிங்குச்சா சிவப்பு கலரு சிங்குச்சா மஞ்ச கலரு சிங்குச்சா ந்னு பாட்டுல எல்லாம் போட்டு கும்மாங்குத்து குத்தறாங்களே அந்த துணியெல்லாம் அதுக்கப்புறம் என்ன பண்னுவாங்க??

Wednesday, May 03, 2006

உறவுகளை மேம்படுத்துவது எப்படி?

ஒரு பட்டாம்பூச்சியின் அசைவுகூட உலகில் வேறு எங்கோ பூகம்பம் ஏற்படுத்தும் என படித்துள்ளேன். சின்ன சின்ன வார்த்தைகள்கூட பெரிய மாற்றங்களை கொண்டு வரும் என நான் அனுபவித்த பிறகு இதை எழுதுகிறேன்.

உறவுகளை மேம்படுத்துவது எப்படி? என ஒரு வகுப்பு சென்று 2 நாட்கள் கூட ஆகவில்லை. நான் என் வீடு வாங்கும் கனவை புதுப்பித்த நேரம் அது. பார்ப்பவர்கள் எல்லோரிடமும் ஏதாவது வீடு இருக்கா வீடு இருக்கா என கேட்டு அவர்களை ஓட ஓட விரட்டிக் கொண்டிருந்தேன். இதற்க்கு முன் ஊரிலேயே ஒரு 2 வாரம் தங்க நேர்ந்த படியால் யாருடனும் அதிக தொடர்பில்லாமல் இருந்தது. இப்பொழுதெல்லாம் பெரிய பெரிய IT கம்பெனிகளில் எதுவேணுமானாலும் வாங்க விற்க விளம்பரம் செய்யும் வசதி இருப்பதால் பக்கத்தில் இருந்த இன்னொரு IT கம்பெனியில் இருந்த நண்பருக்கு ஃபோன் செய்து பேசிவிட்டு நான் அப்படியே என் விண்ணப்பதை எல்லொரிடமும் சொல்வது போல அவரிடமும் சொன்னேன். "அதானே, காரியம்ன்னா மட்டும்தானே எங்ககிட்ட பேசுவீங்க, இல்லைன்னா பேசுவீங்களா?" என கேட்டார். என் நடு மண்டையில் யாரொ (அவங்கன்னே கூட வச்சுக்கலாம்) கொட்டியது மாதிரி இருந்தது.

உறவுகளை மேம்படுத்துவது எப்படி? வகுப்பிலெல்லாம் உக்கார்ந்தது வெட்டி என தோண்றியது. என்னவோ சொல்லணும் போல இருந்துது சொல்லிட்டேன். உண்மையிலேயே உறவுகளை மேம்படுத்துவதுவதற்க்கு என்னாலானதை இன்று முதல் செய்ய ஆரம்பித்து விட்டேன்.

இதே மாதிரி ஒரு பதிவு இளவஞ்சியின் சுய மதிப்பீடுகள் பதிவிலும் நீங்க பார்க்கலாம்.

பின்குறிப்பு: இவ்வளவு நாள் காலை வணக்கம்ன்னு ஒரு மெயில் மெயில் வந்தா நான் படித்ததேயில்லை, நேரே குப்பை கூடையில்தான் கிடக்கும். யாரவது இந்த மாதிரி அனுப்பினா அதை முழுதாக படிக்க முடியாவிட்டாலும் நீங்களும் பதிலுக்கு சொல்லலாம், தப்பில்லை.

Tuesday, May 02, 2006

இரட்டுற மொழிதல்

எங்க வீட்டில் TV ரிமோட் கன்ட்ரோல் பெரியவங்ககிட்டதான் இருக்கும். எதோ சீரியலுக்கு நடுவில் கிடைக்கும் சந்தில் அப்படி இப்படி என்று எனக்கு பிடித்த சிலவற்றை பார்க்க முடியும். அப்படி நான் சேனல் மாற்றிய சமயத்தில் தில்லானா மோகனாம்பாள் படத்தில் இருந்து மறைந்திருந்தே பார்க்கும் மர்மம் என்ன என மோகனாங்கி பத்மினி சிக்கல் சண்முகசுந்தரம் சிவாஜி கணேசனை பார்த்து பாடிக் கொண்டிருந்தார். இவ்வளவு நான் இது ஒரு சீண்டல் வகையை சேர்ந்த பாடல் என் நினைத்துக் கொண்டிருந்தேன்.

சுசீலா நன்றாக பாடியிருக்கிறார், சிவாஜி நன்றாக நடித்திருக்கிறார், பத்மினி நன்றாக ஆடியிருக்கிறார் என்ற முறையிலேதான் பார்த்திருக்கிறேன். அதே பாட்டை நான் சிறுது நேரம் கழித்து பாடிக்கொண்டிருந்த போது கண்ணதாசன் விளையாண்டிருக்கும் விளையாட்டு எனக்கு முழுதாக விளங்கியது. இது இரட்டுற மொழிதல் என்பதற்கேற்ப எழுதிய பாடல். காளமேகப் புலவர் பாடல்களை புத்தகத்தில் படித்தது, அதுக்கப்புறம் யாரும் இந்த மாதிரி எழுதுவது இல்லை என நினைத்துக் கொண்டிருந்தேன்.

சாமி முன்னாடி நின்று பாடி பாருங்கள் முருகன் முழு அருள் உங்களுக்குத்தான். அதே பாட்டை சிக்கல் சண்முகசுந்தரத்தை பார்த்து மோகனாங்கி ஒரு பூங்காவில் பாடுவதாக கற்பனை செய்து பாருங்கள் இது காதலி காதலனை முழுதும் தன் பக்கம் இழுக்கப் பார்க்கும் மோகமான பாடல் என்பது புரியும். கண்ணதாசன் பிச்சு உதறியிருக்கிறார்.

எங்கிருந்தாலும் உனை நான் அறிவேன்
உன்னை என்னையல்லால் வேறு யாரறிவார்....

மாலவா, வேலவா, மாயவா, சண்முகா ...

இது ரெண்டும் முதல் சரணத்தில்... மோகனாம்பாள் தன் அழகின் மேலுள்ள கர்வத்தில் பாடுவது போல் வரும்.

சுவையோடு நானாட எனை நாடி இது வரை விரைவில் துணையாக நீ வருவாய்...
தூயனே, மாலவா, மாயவா, வேலவா, எனை ஆளும் சண்முகா ...

இது ரெண்டும் ரெண்டாம் சரணத்தில்... மோகனாம்பாள் அப்படியே உருகி உருகி தன் காதலை சொல்லும் கட்டம்.

இதில் யார் பெரியவர் என்ற போட்டியெல்லாம் இல்லை...சிவாஜி, பத்மினி, கண்ணதாசன் எல்லோரும் டாப் கிளாஸ் இதில்... கேட்பவர் மனநிலைக்கேற்ப மாறும் பாடல்...

இப்போ யாருக்கும் இந்த மாதிரி எழுத வருமா என தெரியவில்லை. இதையெல்லாம் வைத்துக் கொண்டாட வேண்டும். இப்போ பாடல்கள் எல்லாம் டபுள் மீனிங்கெல்லாம் கிடையாது, நேராவே சொல்லிடராங்க.

கண்ணதாசன் வாரம் அப்படின்னு போடலாம்ன்னு கூட நினைக்க வைத்தது இந்த பாட்டு.

Tuesday, April 25, 2006

பாஸ் வேர்டு கூத்துக்கள்

அந்த காலத்தில் (சுமார் 3 வருடங்களுக்கு முன்பு வரை) பாஸ் வேர்டு பரிமாறிக் கொள்வது என்பது IT கம்பெனிகளில் சகஜமான ஒன்று. அந்த கால கட்டங்களில் நடந்த நிகழ்வுகள் என்னை இதை எழுத வைக்கிறது.

முதலில் நடந்தது இது. வேலையில் சேர்ந்திருந்த நேரம். நண்பன்(1) அவன் பாஸ் வேர்டாக ஒரு பெண்ணின் பெயரை வைதிருக்கிறான் என நண்பன்(2) சொன்னான். நாங்கள் யாரும் நண்பன்(2)வை நம்பவில்லை. இதில் உசுப்பேறிய நண்பன்(2) கீ போர்டில் டைப் செய்யும் எல்லாத்தையும் ஸ்டோர் பண்ணும் சாப்ட்வேர் நண்பன்(1)வின் கம்ப்யூட்டரில் இன்ஸ்டால் பண்ணி எங்களுக்கு அதை நிருபித்தான். (நண்பன்(2) இன்னமும் அப்படித்தான்). நண்பன்(1)வை கையும் களவுமாக பிடித்ததில் எங்களுக்கும் மகிழ்ச்சி. ஆனால் நண்பன்(1) அது என் அம்மாவின் பெயர் என சொன்ன பொழுது நாங்கள் நம்பித்தான் தீர வேண்டி இருந்தது.

இன்னொரு நாள் ஒருத்தனிடம் யுனிக்ஸ் பாஸ் வேர்டு கேட்டால் F***123 ட்ரை பண்ணு இல்லைன்னா c@#$, இல்லைன்னா P^&*( என சத்தமா சொன்னான். ஏன் உனக்கு இவ்ளோ கெட்ட வார்த்தை மட்டும்தான் தெரியுமா என பின்னாடி எங்க பிராஜெக்ட் மேனேஜர் வந்து நின்றார். எங்க ஊரில டவுசர் கழண்ட்ருச்சுன்னு சொல்லுவாங்க, எனக்கு ஏற்கனவே பல முறை டவுசர் கழண்டிருந்தாலும் அடுத்தவனுக்கு நடக்கும் போது பார்ப்பது அலாதி சுகம்.

ஒரு பெண் நண்பி அலுவலகம் முடிந்து சென்ற பிறகுதான் தெரிந்தது அவர் ஒரு மெயில் அனுப்பவில்லை என்று. இது எங்கள் மேனஜருக்கு தெரிந்தால் டப்பா டான்ஸ் ஆடிவிடும் என்று அந்த பெண் பதறிக் கொண்டு எனக்கு போன் செய்து நீ அனுப்பிவிடுகிறாயா என கேட்டாள். நானும் அவள் மெயில் பாக்ஸை திறக்க பாஸ் வேர்டு கேட்டேன். அவள் கூட வேலை செய்பவன் பெயரை சொல்லி கூட 3 நம்பர் சொன்னாள். எல்லாம் அனுப்பிய பிறகுதான் தோன்றியது அட மவனே இது காதல் செய்யும் பாடு என்று. அடுத்த நாள் அவளே வந்து நான் பாஸ் வேர்டு மாத்திட்டேன் யாருகிட்டையும் சொல்லாதே என்றாள். நான் யாரிடமும் சொல்ல மாட்டேன் என தைரியம் சொன்னேன். (அவள் பாஸ் வேர்டை மட்டும்தான் மாற்றியிருக்கிறாளா இல்லை ஆளையும் மாற்றி விட்டாளா என எனக்கு இப்போது தெரியாது.)

Sunday, April 23, 2006

பெங்களூர் பிளாக்கர் மீட்

போன வாரத்தில் விளையாட்டுத்தனமாக ராகவனுக்கு முதலில் அடித்த மெயில் பிளாக்கர் மீட் வரை வந்துவிட்டது. இளவஞ்சி, சுதர்சன் என கூட்டம் சேர்ந்தவுடன் இளவஞ்சி அப்படியே சனிக்கிழமை சாப்பிட வாங்கன்னு அழைப்பு விடுத்தார். அசைவ சாப்பாடு மட்டுமே நான் சாப்பிடுவதால் முதலில் நான் நிறைய யோசித்தேன். அப்புறம் அவர் மெனு என்னன்னு சொன்ன பிறகு நான் போகாமல் விட்டால் அது நான் என் வயிற்றுக்கு செய்யும் துரோகம்னு அட்டெனென்ஸ் குடுக்க தயாராகி விட்டேன். இதற்காக நான் மதியம் கூட சாப்பிடலைன்னா பாருங்க...

லேட் அடிஷனாக கொங்கு ராசாவும் வருவதாக சுதர்ஷன் சொன்னதும் சரி இன்னைக்கு சிவராத்திரிதான் என்று என்னை நானே தேற்றிக்கொண்டேன். சரியாக 7 மணிக்கு இளவஞ்சி சொன்ன இடத்தில் நின்று கொண்டிருந்தபோது TN 41 ரெஜிஸ்ட்ரேஷன் வண்டி வந்து நின்றது. அது பொள்ளாச்சி வண்டி என்று உறுதியாக தெரிந்தாலும் ஒரு 5 நிமிடம் பொறுத்து மெதுவாக நீங்க கொங்கு ராசாவா என மெதுவாக பேசி அப்புறம் சகஜமாக கொசுக்கடியில் கையை காலை தேய்த்துக்கொண்டே பேச ஆரம்பித்தோம். ராகவனுக்கு போன் செய்தால் 5 நிமிடத்தில் இருப்பதாக சொன்னார். அதுக்கு அப்புறம் ஒரு அரை மணி நேரம் அவர் வராததால் அவர் வந்தவுடன் அவர் என்ன வாட்ச் கட்டியிருக்கிறார் என பார்க்க வேண்டும் என நினைத்து அவர் அடுத்தடுத்து பண்ணிய கூத்துகளில் இது சுத்தமாக மறந்து விட்டது.

திரும்ப ராகவன் போன் பண்ணி வேறு ஒரு இடத்தில் நிற்பதாக சொன்னார். அங்கே போய் அவரை காணாமல் திரும்ப போன் செய்தால் நாங்கள் முதலில் இருந்த இடத்தில் இருப்பதாக சொன்னார்கள். நானும் கொங்கு ராசாவும் அங்கு போய் சேர்ந்த பொழுது இளவஞ்சியும் வந்து சேர்ந்து இருந்தார். சரியாக 7 மணிக்கு சந்திப்பதாக சொல்லி 8 மணிக்கு (இந்திய நேரப்படி சரியாக 7 மணின்னு படிங்க) பார்த்தோம்.

செவிக் குணவில்லாத போழ்து சிறுது
வயிற்றுக்கும் ஈயப் படும் என்பதற்க்கு பதிலாக பேசிக் கொண்டே சாப்பிட்டு முடித்து மணி பார்த்தால் மணி 10. ஒருவருக்கொருவர் அறிமுகமான பிறகு அரசியல், இலக்கியம், சொந்த கதைகள் என பேச்சு F1 ரேசில் த்ரோட்டில் போட்டு வண்டி ஓட்டுவது போல் இலக்கிலாமல் சீறி பாய்ந்தது. செகண்ட் ஷோ சினிமா பார்க்கலாம்ன்னு முடிவு பண்ணிருந்தோம், இனி ஒரு படத்துக்கும் போக முடியாது என சந்திப்பை முடித்துக் கொண்டு வீடு திரும்பினோம்.

அடடா, முக்கியமானத சொல்ல மறந்துட்டேன். சப்பாத்தி, கோழி, மீன், தயிர் சாதம்ன்னு திருமதி.இளவஞ்சி கலக்கி இருந்தாங்க... நாங்க சாப்பிடறதை பார்த்ததுக்கு அப்புறமும் அடிக்கடி வீட்டுக்கு வாங்கன்னு சொன்னாங்க.. அவங்க ரொம்ப நல்லவங்க...

Saturday, April 22, 2006

தவமாய் தவமிருந்து...


யாரோ ஒரு பெரிய தலை தெரு விளக்குல படிச்சு பெரிய ஆளானார்ன்னு புத்தகதுல படிச்சது. இவரு எப்படியும் பெரிய ஆளாகிடுவோம்னு லேடீஸ் ஹாஸ்டல் முன்னாடி தவமாய் தவமிருந்து படிச்சப்போ எடுத்த ஃபோட்டோ இது. இந்த கூத்துல இவரு பெரிய ஆளா ஆக முடியாம போனது மட்டும் இல்லாம லேடீஸ் ஹாஸ்டல் இருந்த ஓரு பொண்ணும் ஏறெடுத்து பார்க்காம இன்னும் தனியா சுத்திட்டு இருக்கிறார்.ஒரே கல்லுல ரெண்டு மாங்கா அடிக்கலாம்னு ட்ரை பண்ணி ரெண்டையும் கோட்டை விட்டுடார்ன்னு தோணுதா???

Tuesday, April 18, 2006

ஒரு காலை இள வெய்யில் நேரம்


இது எங்கேயோ எடுத்த ஃபோட்டோ இல்லை.என் நண்பன் கிச்சா இங்க பெங்களூரில் நாங்கள் தினமும் கடக்கும் இடத்தைத்தான் இப்படி எடுத்திருக்கிறான். தினமும் இதை கடந்து போனாலும் ரசிக்கும் மனநிலையில் ஒருவரும் இல்லை அப்படிங்கறதுதான் வருத்தத்திற்க்கு உரியது.

அதே நேரத்தில் நேற்று இரவு ரொம்ப நாளைக்கு அப்புறம் "நிலா காய்கிறது நேரம் தேய்கிறது யாரும் ரசிக்கவில்லையே" பாடல் இந்திரா படத்தில் இருந்து ஒளிபரப்பினார்கள். இந்த மாதிரி பாடல்களை அபூர்வமாகத்தான் யாரவது கேட்கிறார்கள். மத்தபடி எல்லோரும் கேட்பதெல்லாம் "வாழை மீனுக்கும் விலாங்கு மீனுக்கும் கல்யாணம்", "வடு மாங்கா ஊருதுங்கோ" பாடல்கள்தான்.